اتعلم فن كتابة الإعلانات في 6 ساعات بس!
محاضر
عن هذه الدورة
كورس عملي شامل لتعلم الكوبي رايتنج من الأساسيات حتى الاحتراف، مع تدريبات حقيقية وأدوات جاهزة تساعدك على كتابة إعلانات جذابة وتحقيق مبيعات.
تشمل الدورة 6 ساعات تدريبية مقسمة على مراحل: التسويق، تحديد الجمهور، البحث بالـ AI، كتابة الإعلانات، استراتيجيات التسويق والتصميم، إنشاء الحملات، وبناء بورتفوليو احترافي.
بالإضافة لمتابعة أسبوعية، هدايا تدريبية، وتحديثات مستمرة، مع ضمان استرجاع الرسوم في حال عدم الاستفادة بعد التنفيذ.
Dr. Aya Momen
نظرة عامة على المنهج
تتضمن هذه الدورة 18 دوراتاً، و 66 درساً، و 0:15 ساعة من المواد.
تخيل إنك تقدر تكتب إعلان أو بوست يجذب العملاء ويحوّلهم لمشترين، حتى لو ماعندكش خبرة سابقة!
في الكورس ده هتتعلم خطوة بخطوة إزاي تتحول من مبتدئ مش عارف يبدأ، لشخص فاهم أسرار كتابة الإعلانات اللي بتبيع، ومجهز تشتغل مع عملاء وتكسب بالدولار.
اهلا بيك يا عزيزي، في الأول الكورس دسم، هيحتاج منك تراجعه كل فترة والتانية فعشان كده هحتاج منك فيدباك مستمر عشان لما اعمل ابديت تستفيد منه.
ملف هيساعدك تبدأ رحلتك في عالم كتابة الإعلانات من الأساس 🖋️.
هتتعرف فيه على:
مفهوم الكوبي رايتنج وأهميته في التسويق
مبادئ كتابة الإعلانات
ازاي تكتب كتابة إقناعية؟
أمثلة عملية هتوضحلك إزاي إعلان مكتوب صح يقدر يبيع المنتج أو الخدمة بسهولة 💡
أساسيات أي كاتب إعلانات لازم يعرفها قبل ما يبدأ
في الفيديو ده هنعرف مع بعض يعني إيه كتابة إعلانات (Copywriting)، وليه هي مهارة أساسية لأي ماركتير أو صانع محتوى.
هتتعرف على دور الكوبي رايتر، ويعني ايه كوبي وأهم أساسيات الإعلان.
الفيديو ده هو أول خطوة ليك في رحلتك لعالم الكوبي رايتنج
الفيديو ده هيعرفك أهم المبادئ اللي بتحكم كتابة الإعلانات الناجحة، واللي من غيرها أي إعلان بيكون ضعيف ومش مؤثر.
هنتكلم عن:
البساطة والوضوح في الرسالة.
التركيز على الفايدة مش المميزات.
الإقناع باستخدام المنطق والمشاعر.
الصدق.
وحاجات تانية كتير
في الفيديو ده هنتكلم عن مفهوم الكتابة الإقناعية (Persuasive Writing)، واللي تعتبر أداة الكوبي رايتر الأقوى عشان يحوّل أي قارئ لعميل.
في الفيديو ده هنجاوب على سؤال مهم: مين اللي بيحتاج كوبي رايتر؟
هتعرف إن دور الكوبي رايتر مش بس لشركات الإعلانات، لكن مطلوب في:
أصحاب البيزنس الصغير والمتوسط.
البراندات الكبيرة اللي عايزة تحافظ على صورتها.
المتاجر الإلكترونية.
صناع المحتوى والمؤثرين.
أي حد بيبيع خدمة أو منتج أونلاين أو أوفلاين.
الفيديو ده هيوضحلك قد إيه المجال فيه فرص عمل متنوعة، وإزاي تقدر تحدد جمهورك ككوبي رايتر وتبدأ تدخل السوق بقوة.
مطلوب منك اختيار بيزنس محدد (سواء خاص بيك أو مجرد مثال افتراضي)، علشان تنفذ عليه كل المهام المطلوبة خلال الكورس.
البيزنس ده هيكون بمثابة مشروع تدريبي كامل تشتغل عليه خطوة بخطوة، من التحليل لحد الاستراتيجية وتنفيذ المحتوى
لو معندكش اعتبر نفسك بيزنس واشتغل عليه عادي.
الهدف بيتعمل بدون تحديد وقت، يعني هنزود المبيعات ونسكت.. ودا خطأ كبير لو تعلمون؛ لأن الطبيعي نحدد هنزود المبيعات قد ايه؟ وخلال قد ايه؟
في الريكورد ده هنتكلم عن أكتر الغلطات الشائعة اللي ناس كتير بتقع فيها وهما بيعملوا إستراتيجي للمحتوى.
زي إنهم:
ينسوا يحددوا الهدف الأساسي.
يشتغلوا من غير ما يعرفوا المنافسين.
أو يحطوا أفكار من غير خطة تنفيذية.
هتتعلم إزاي تتجنب الأخطاء دي وتبني إستراتيجي مظبوطة تمشي بيها خطوة بخطوة ✨
في الفيديو ده هنتكلم عن واحدة من أهم خطوات التسويق بالمحتوى:
إزاي تعمل Content Plan منظمة تخليك تشتغل بخطة واضحة بدل العشوائية.
إزاي تحدد KPI (مؤشرات الأداء الرئيسية) تقيس بيها نجاحك، زي التفاعل، عدد العملاء المحتملين، أو المبيعات.
الفرق بين الـ Goals والـ KPIs وليه لازم يكونوا واقعيين ومترابطين.
أمثلة عملية تساعدك تطبق على شغلك أو على أي بيزنس.
الفيديو ده هيساعدك تحول المحتوى من مجرد أفكار لنتائج ملموسة بتقيسها بالأرقام
لاستراتيجية هي الخريطة اللي هتوصلك لهدفك!
في الفيديو ده هنفهم يعني إيه استراتيجية، وإزاي تقدر تبني واحدة واضحة وواقعية تناسب مشروعك.
هنمشي مع بعض من تحديد الهدف، تحليل السوق، لحد اختيار القنوات والأدوات اللي هتخليك توصل للنتيجة اللي مستنيها.
بعد ما خلصنا جزء الاستراتيجية وخطة العمل، لازم نتأكد إنك فاهم إزاي تفرق بين الـ Strategy والـ Tactics، وتعرف تحدد أهداف SMART، وكمان تبني خطة واضحة قابلة للتنفيذ.
الاختبار ده هيقيس استيعابك للمفاهيم الأساسية ويختبر قدرتك على تطبيقها في مواقف عملية.
خلي إجاباتك واقعية ومرتبطة بأفكار أو مشاريع ممكن تشتغل عليها، عشان تقدر تستفيد وتطبق في شغلك الفعلي
شيت الباير بيرسونا هيساعدك تحدد بدقة مين هو عميلك المثالي :
إيه اهتماماته؟
إيه مشاكله واحتياجاته؟
إيه الدوافع اللي تخليه يشتري منك؟
من خلال الشيت هتقدر ترسم صورة واضحة لعملاءك المستهدفين، وده هيسهلك كتابة محتوى مؤثر، وإعداد استراتيجيات تسويق قوية تحقق نتائجفعلية.
عشان تكتب إعلان ناجح أو تقدم خدمة تباع، لازم الأول تفهم إزاي العميل بيفكر وليه بياخد قرار الشراء.
في الفيديو ده هنتكلم عن سيكولوجية العميل، والعوامل اللي بتأثر على اختياراته، وإزاي تستغل ده لصالحك في التسويق وصناعة المحتوى.
في الفيديو ده هنطبق بشكل عملي إزاي نحدد الـ Demographics للـ Buyer Persona الخاصة بالبيزنس بتاعك.
هنتعلم مع بعض:
إزاي تحدد العمر والجنس والمكان.
أهمية المستوى التعليمي والاجتماعي.
دخل العميل وتأثيره على قراره الشرائي.
أمثلة واقعية لشخصيات مختلفة من السوق.
الجزء ده هيساعدك تفهم جمهورك بعمق وتبني شخصية عميل مثالية تبدأ منها أي استراتيجية تسويق ناجحة.
في التاسك ده هتطبق بنفسك على مطعم لامؤاخذة متخصص في تقديم وجبات صحية وأسماك.
المطلوب:
اعمل شيت Buyer Persona لشخص واحد على الأقل من الجمهور المستهدف، ووضح:
اسم الشخصية الافتراضي (مثال: أحمد – 24 سنة – خريج جديد).
البيانات الديموغرافية (العمر – النوع – مكان السكن – مستوى الدخل).
الأهداف / الاحتياجات (عايز يحافظ على وزنه – يوفر وقت في تحضير الأكل).
التحديات / المشاكل (الأكل السريع غير صحي – الأسعار الغالية – الوقت الضيق).
المنصات اللي بيستخدمها (إنستجرام – تيك توك ).
الرسائل أو الأسلوب اللي يجذبه (بساطة – نصايح صحية – صور قبل/بعد).
اشرح في الآخر: إزاي المطعم ممكن يخاطب العميل ده ويوصل له رسالته؟
التسليم:
ارفع الشيت في ملف PDF أو Word.
أو اعمل نسخة Google Docs/Sheets وشاركها.
الاختبار ده معمول عشان يقيس فهمك لمفهوم الباير بيرسونا وقدرتك تفرّق بين الجمهور المستهدف والشخصية المثالية للعميل.
الهدف إنك تتأكد إنك مش بس عارف التعريفات، لكن كمان قادر تبني شخصية عميل واضحة وتستخدمها في كتابة محتوى أو إعلان يخاطب جمهورك صح
SWOT Analysis لشركات عالمية
في الجزء دا هتلاقي نماذج حقيقية ومطبوعة لواحدة من أهم أدوات التخطيط الاستراتيجي.
جمعنالك تحليل SWOT لعدد من أكبر العلامات التجارية زي: Apple – Amazon – Coca-Cola – Nike – Netflix.
الهدف إنك تتعلم إزاي الشركات الكبيرة بتستغل نقاط قوتها، وبتواجه نقاط ضعفها، وبتستفيد من الفرص في السوق، وكمان بتحمي نفسها من التهديدات.
المكتبة دي هتساعدك تطبق نفس المنهج على مشروعك أو شركتك وتاخد قرارات أوضح وأنجح.
الفرص هي حاجات ايجابية ينفع تستغلها في السوق بتاعك، يعني خارجيه أنت ملكش علاقة بيها.
أخطاء بتقعوا فيها في تحليل المنافسين، خلي بالك منها
في الفيديو ده هنعرض أمثلة حقيقية لتحليل SWOT (القوة – الضعف – الفرص – التهديدات) على بيزنس مختلفة، عشان تفهم إزاي تطبّق التحليل ده بشكل عملي.
هتشوف:
نموذج SWOT لمطعم.
نموذج لشركة ملابس.
نموذج لبراند بيقدّم خدمات أونلاين.
الأمثلة دي هتخليك تعرف تحدد مكان مشروعك وسط السوق، وتستغل نقاط قوتك وتتعامل بذكاء مع التحديات.
الاختبار ده بيقيس فهمك لطريقة تحليل المنافسين بشكل عملي، وإزاي تقدر تحدد نقاط القوة والضعف عندهم عشان تستخدمها لصالحك في استراتيجيتك التسويقية. الأسئلة هتساعدك تفكر بعين الماركتير اللي بيدوَّر دايمًا على ميزة تنافسية.
في الواجب ده هتطبق اللي اتعلمته عن تنظيم المحتوى في شكل كالندر شهري منظم يساعدك تشتغل بخطة واضحة بدل العشوائية.
المطلوب:
البيزنس اللي حددته لنفسك أبدا اعمله كالندر محتوى
صمّم كالندر محتوى لمدة أسبوعين تشمل:
موضوع البوست.
الهدف من البوست (توعية – تفاعل – مبيعات).
صيغة مختصرة للبوست أو الفكرة الأساسية.
المنصة اللي هينزل عليها (فيسبوك – إنستجرام – تيك توك).
تاريخ النشر.
حاول تنوع بين أنواع المحتوى (إعلاني – تعليمي – تفاعلي – ترفيهي).
التسليم:
ارفع الجدول بصيغة Excel / Google Sheets.
أو بصيغة PDF لو عايز تعرضه بشكل منسق.
في الفيديو ده هنتعلم خطوة بخطوة إزاي تعمل Content Calendar احترافي يساعدك تدير المحتوى بشكل منظم بدل العشوائية.
هتعرف:
إيه أهمية وجود كالندر للمحتوى.
إزاي تخطط للأفكار حسب الأهداف (تفاعل – وعي – مبيعات).
أمثلة عملية لتقسيم المحتوى أسبوعيًا وشهريًا.
الفيديو ده هيساعدك تمسك زمام شغلك وتبقى عارف دايمًا إيه هتنشر – فين – وإمتى
الخاتمة مهم تتعمل.
تحدي الأبطال
التحدي الأول: 10 كلمات فقط
المطلوب:
كتابة إعلان تسويقي لا يتجاوز 10 كلمات، مع الحفاظ على الجاذبية والإقناع.
اختيار منتج أو خدمة زي (عطر، هاتف، قهوة، تطبيق إلكتروني، منتج تجميلي).
نموذج للحل
منتج: هاتف ذكي
الإعلان: "تصميم أنيق، أداء قوي، كاميرا خارقة – هاتف الأحلام بين يديك!"
—----------
التحدي الثاني: إعادة صياغة إعلان بأساليب مختلفة
المطلوب:
اختيار إعلان تجاري معروف أو ابتكار إعلان جديد.
إعادة كتابته بثلاثة أساليب مختلفة:
رسمي وجاد
فكاهي وخفيف
مشوق وغامض
نموذج للحل
منتج: شوكولاتة فاخرة
الإعلان الأصلي: "شوكولاتة بلجيكية بطعم لا يُقاوم!"
رسمي: "جودة بلجيكية أصلية، مصنوعة من أجود أنواع الكاكاو لمذاق راقٍ."
فكاهي: "هل تشعر بالإحباط؟ مكعب واحد كفيل بتغيير مزاجك فورًا!"
مشوق: "سرّ لا يعرفه إلا عشاق الشوكولاتة… اكتشفه في أول قطعة!"
—--
التحدي الثالث: القصة المصغرة (3 جمل فقط)
المطلوب:
كتابة إعلان لقهوة أو شوكولاتة بأسلوب قصصي جذاب في 3 جمل فقط.
خلق ارتباط عاطفي مع القارئ وإثارة مشاعره.
نموذج للحل:
منتج: قهوة عربية
الإعلان: "استيقظت على رائحة القهوة تملأ المكان… رشفتُ أول كوب، وعادت إليّ ذكريات الأحاديث الصباحية مع جدتي. بعض النكهات ليست مجرد طعم، بل رحلة عبر الزمن!"
—---
التحدي الرابع: الإبداع بدون صور
المطلوب:
كتابة إعلان تسويقي يعتمد فقط على الكلمات بدون أي صور أو تصميمات.
استخدام وصف تفصيلي يجعل القارئ يتخيل المنتج كأنه يراه.
نموذج للحل:
منتج: عطر فاخر
الإعلان: "لمسة واحدة تكشف عن سحر الغموض… نفحات العود العميقة تمتزج مع الورد الدمشقي والباتشولي، لتترك بصمتك في كل مكان. هذا ليس مجرد عطر، إنه توقيعك الفريد!"
—--
التحدي الخامس: دعوة لاتخاذ إجراء (Call to Action - CTA)
المطلوب:
اختيار منتج أو خدمة وكتابة 3 دعوات لاتخاذ إجراء بأنماط مختلفة:
مباشرة وواضحة
عاطفية وتحفيزية
عاجلة وتحثّ على اتخاذ القرار فورًا
نموذج للحل:
منتج: دورة تدريبية في التصميم الجرافيكي
الإعلان:
مباشرة: "سجّل الآن وابدأ رحلتك في عالم التصميم الاحترافي!"
عاطفية: "هل حلمت يومًا بتصميم أعمالك الخاصة؟ حان وقت تحقيق الحلم!"
عاجلة: "أماكن محدودة! انضم الآن قبل إغلاق باب التسجيل!"
دلوقتي جه الوقت اللي هتعمل فيه التحديات دي على خدمة واحدة وهي "كورس تسويق بالمحتوى"
دورك دلوقتي تنفذ التحديات دي
تعليمات التسليم
في ملف word
حط فاصل بين كل تحدي والتاني
الواجب ده معموله مخصوص عشان تطبق اللي اتعلمته عن مكونات الإعلان الأساسية (العنوان – النص – الصورة/الفيديو – الـ CTA).
Headline يجذب الانتباه.
Body Copy يشرح الفايدة للعميل
Call To Action واضح ومباشر.
الهدف إنك تتدرب على دمج كل العناصر في إعلان واحد متكامل يخاطب العميل صح ويشجعه يتفاعل.
في الفيديو ده هنتكلم عن العناصر الأساسية لأي إعلان ناجح، واللي من غيرها الإعلان بيبقى ناقص تأثير:
العنوان (Headline): أول حاجة تلفت الانتباه وتخلي القارئ يكمل.
النص الإعلاني (Body Copy): اللي بيحكي القصة ويوصل الفايدة.
الصورة أو الفيديو: العنصر البصري اللي بيكمّل الرسالة.
الدعوة للفعل (CTA): الجملة اللي بتحرك العميل ياخد الخطوة.
هتفهم إزاي تدمج كل عنصر في الإعلان وتخلي الرسالة قوية، مؤثرة، وموجهة للجمهور الصح.
في الفيديو ده هنتكلم عن واحدة من أهم عناصر الإعلان وهي الدعوة للفعل (CTA)، واللي بتحدد مصير الإعلان كله — هل العميل هيتفاعل ولا هيمشي؟
هتفهم:
يعني إيه CTA وليه هو عنصر أساسي في أي إعلان.
أنواع الـ CTA (للشراء – للتفاعل – للتسجيل).
إزاي تكتب CTA قوي وواضح يخلي العميل ياخد خطوة فورية.
الأخطاء الشائعة اللي بتخلي الـ CTA ضعيف أو غير مؤثر.
أمثلة عملية على CTA فعالة في مجالات مختلفة.
بعد الفيديو ده، هتعرف إن كلمة بسيطة زي "اطلب دلوقتي" ممكن تكون الفرق بين إعلان ناجح وآخر محدش بيشوفه
الوصف:
الواجب ده معمول عشان تطبق بنفسك أهم معادلات كتابة المحتوى الإعلاني زي AIDA و PAS.
المطلوب إنك تكتب 5 إعلانات للبيزنس اللي أنت اختارته بمعادلات مختلفة.
التسليم:
ارفع النصوص في ملف Word أو PDF.
أو اكتبهم مباشرة في جوجل دوكس.
لو بتكتب إعلانات أو محتوى وعاوز تختصر وقتك وتطلع أفكار أسرع، الملف دا ليك!
هتلاقي فيه أهم أدوات الـ AI اللي هتساعدك في:
توليد أفكار إبداعية للإعلانات
صياغة نصوص مقنعة بسرعة
مراجعة وتحسين الكوبي قبل ما ينزل للجمهور
وكمان توفير وقت ومجهود في البحث
الذكاء الاصطناعي مش بديل عنك، لكنه المساعد اللي هيخليك دايمًا سابق بخطوة .
في الكويز دا هنختبر مدى معرفتك بالبريف، مستعد؟
عاوز تعرف إيه الترند الجديد على كل منصة قبل ما تبدأ تنشر؟
في الفيديو ده هنتعلم إزاي تستخدم أداة Later عشان تتابع الترندات على إنستجرام، تيك توك، فيسبوك وغيرها.
هتقدر من خلالها تعرف إيه المحتوى اللي شغال دلوقتي، وتاخد منه أفكار تخلي البوستات والفيديوهات بتاعتك تنتشر أسرع وتوصل لجمهور أكبر.
لينك الموقع
https://later.com/
لو محتار تعمل ريلز عن إيه، متقلقش!
في فيديو النهاردة هنتعلم خطوة بخطوة إزاي تستغل إعلانات TikTok Ads كمنجم أفكار لا نهائي
هتشوف إزاي تلاقي التريندات، تعرف أنهي محتوى شغال، وتحوّله لريلز تناسب مجالك وتخلي متابعينك يتفاعلوا معاك .
الفيديو هيكون دليل عملي يساعدك تطلع محتوى أسرع، أذكى، وأكتر تأثيرًا.
لو عندك مطعم أو بتفكر تبدأ مشروع أكل، لازم تعرف أداة Platter!
الأداة دي هتساعدك في:
إدارة الطلبات أونلاين بسهولة.
تنظيم المنيو بشكل احترافي.
متابعة مبيعاتك وتحليلات الأداء.
وتسهّل عليك خدمة العملاء وتزود مبيعاتك.
Platter ببساطة بتوفرلك حل متكامل يخلي مطعمك دايمًا سابق بخطوة.
لو نفسك البوستات والريلز بتاعتك تجيب تفاعل أعلى، لازم تنزلها في الوقت الصح!
في الفيديو ده هتعرف:
إزاي تحدد أفضل مواعيد النشر على إنستجرام.
إزاي تستخدم الإنسايتس عشان تشوف جمهورك بيتفاعل إمتى.
وأسرار تخلي خوارزمية إنستجرام تشتغل لصالحك.
ببساطة، الفيديو ده هيساعدك ترفع التفاعل وتوصل لناس أكتر.
في الفيديو ده هنعرفك إزاي تحلل المنافس بتاعك باستخدام أداة سحرية
علما إنها بقت مدفوعة.
في عالم الكوبي رايتنج، السر مش بس في الإبداع، لكن كمان في الأدوات اللي بتختصرلك وقت وتخليك تكتب بشكل أسرع وأذكى.
في الفيديو ده هنتكلم عن أهم الأدوات اللي أي Copywriter لازم يعرفها ويستخدمها، بداية من أدوات البحث عن الكلمات المفتاحية، مرورًا بالـ AI tools، لحد برامج التنظيم وصناعة البريف.
هتتعلم إيه؟
1. أدوات تساعدك تلاقي أفكار جديدة باستمرار.
2. إزاي تنظم أفكارك وتدير الـ Tasks بتاعتك باحترافية.
3. أدوات للبحث عن الجمهور والكلمات المفتاحية.
4. Platforms تديك إلهام ونماذج جاهزة تسهل عليك الكتابة.
5. Tools هتخليك تقدم شغل أسرع وبجودة أعلى.
6. سواء إنت مبتدئ أو محترف، الأدوات دي هتكون سر من أسرارك اللي هتفرق في كل إعلان أو حملة بتكتبها.
كتابة المحتوى مش مجرد إنك تعرف تكتب كويس، لكن هي مزيج من مهارات مختلفة بتخليك مميز وتخلي شغلك يوصل للجمهور صح.
في الفيديو/المحاضرة دي هنتكلم عن أهم المهارات اللي أي Content Writer لازم يركز عليها ويطورها عشان ينجح في المجال.
هتتعلم إيه؟
مهارة البحث وجمع المعلومات بسرعة ودقة.
إزاي تكتب بأسلوب بسيط وجذاب يناسب جمهورك.
أساسيات السيو SEO اللي تخلي مقالاتك تظهر في جوجل.
مهارة إعادة الصياغة وتحويل الأفكار المعقدة لرسائل سهلة.
إزاي تدير وقتك وتتعامل مع الـ Deadlines.
المرونة في الكتابة لأساليب ومجالات مختلفة.
سواء بتكتب مقالات، بوستات، سكريبتات، أو إعلانات… المهارات دي هي أساس أي كاتب محتوى ناجح.
لو مصمم جرافيك، متعملش بروتفوليو للجرافيك مع الإعلانات.. اعمل دا لوحده ودا لوحده.
خلي معاك بروتفوليو و CV مش واحد بس.
الإيميل بتاعك خليه احترافي وحطه في الآخر، يعني مينفعش يكون اسمه Yoyo مثلا!
الهدف:
تطبيق عملي على مهاراتك في عرض الشغل وتنظيمه في شكل بورتفوليو احترافي يقدر أي عميل أو شركة يشوف فيه قوتك ككاتب محتوى أو كوبي رايتر.
المطلوب منك:
اختار أفضل 3–5 أعمال من شغلك (بوستات، إعلانات، مقالات، حملات...).
صمّم بورتفوليوك الشخصي على Canva أو أي أداة مناسبة، بحيث يحتوي على:
صفحة تعريف بسيطة عنك (اسمك – تخصصك – المهارات الأساسية).
عينات من شغلك مع شرح قصير لكل مشروع (الفكرة – الهدف – النتيجة).
صفحة ختامية فيها بيانات التواصل الخاصة بيك.
حافظ على تناسق الألوان، البساطة، وجودة العرض (Focus على الفكرة مش الكمية).
طريقة التسليم:
سلّم لينك التصميم على Canva (View Only) أو ملف PDF جاهز.
تأكد إن كل العناصر واضحة ومقروءة.
نصايح:
اختار شغل متنوع.
استخدم أسلوب كتابة بسيط يوضح القيمة اللي قدمتها.
خليك فاكر: البورتفوليو هو إعلانك الشخصي!
في الفيديو ده هتعرف إزاي تبني بورتفوليو قوي يعرض شغلك ككاتب محتوى أو كوبي رايتر بطريقة تلفت العملاء والشركات.
هنتكلم عن:
إزاي تختار أفضل الشغل اللي تمثلك.
ترتيب العينات (Samples) في شكل احترافي.
الأخطاء اللي بتخلي البورتفوليو ضعيف أو مش مقنع.
وأهم الأدوات اللي هتساعدك تعمل بورتفوليو بسهولة (Canva – Behance – Notion).
بعد الفيديو ده، هتقدر تجهز بورتفوليو يعبّر عنك ويبيع مهاراتك حتى قبل ما تتكلم
نموذج لكتابة CV احترافي
لو محتار تبدأ منين وتكتب إيه لجمهورك، الكتاب دا معمول عشانك!
"محتواك في 7 شهور" هو دليل عملي خطوة بخطوة يساعدك تخطط وتكتب وتبني خطة محتوى متكاملة تغطي سبع شهور كاملة.
هتلاقي فيه:
أفكار جاهزة لبوستات في مجالات مختلفة.
أمثلة عملية تقدر تطبقها فورًا.
طرق تخلي محتواك مؤثر ويلمس احتياجات جمهورك.
الكتاب هيخليك دايمًا جاهز بأفكار ومش هتقف قدام ورقة فاضية تاني 🔥
في المشروع النهائي هتطبق كل اللي اتعلمته من أول تحليل الجمهور والمنافسين، لحد وضع استراتيجية تسويقية كاملة وكتابة محتوى. الهدف إنك تخرج ببلان واقعية تقدر تقدمها لأي عميل.
الاختبار النهائي بيقيس حصيلة كل اللي اتعلمته في الكورس من أول الأساسيات لحد الاستراتيجيات والتطبيق العملي.
من خلال الأسئلة هنتأكد إنك قادر تربط بين المفاهيم وتطبقها بشكل عملي على أي مشروع أو حملة تسويقية.
الهدف من الاختبار مش بس تقييمك، لكن كمان يجهزك تبدأ رحلتك ككوبي رايتر جاهز للسوق بثقة
ازاي هتجيب شغل بعد الكورس ؟
شهادة الدورة
تشمل هذه الدورة
مواصفات الدورة
إرسال الدورة كهدية
الرد على التعليق