في تلت أيام بس هتتعلم تعمل استراتيجية محتوى تبيع!

في الفيديو دا هتعرف فكرة الورشة وليه اتعملت أصلاً.

هقدملك Overview سريع عن إيه اللي هنتعلمه خلال الـ 3 أيام، وإزاي هنمشي خطوة بخطوة من أول ما نفهم موقفنا الحالي لحد ما نرسم استراتيجية كاملة نقدر نطبقها على أي بيزنس.

كمان هنعمل جولة على الفهرس:

ليه لازم أي بيزنس يكون عنده استراتيجية.

إيه هي المراحل اللي هنغطيها في الورشة.

الأدوات والشيتات اللي هتشتغل بيها.

يعني الفيديو دا هو خريطتك 👇
بعده هتكون عارف إنت داخل على إيه ومستعد تبدأ الرحلة

في الفيديو دا هنعرف ببساطة إيه الفرق بين الاستراتيجي و البلان

الاستراتيجي بتحددلك الاتجاه الكبير: إحنا رايحين فين وليه؟

أما البلان فهي الخريطة العملية اللي بتقولك: إزاي نوصل للهدف خطوة بخطوة؟

هنوضح بمثال عملي إزاي الاتنين بيكملوا بعض، وإزاي أي بيزنس محتاج يفصل بينهم علشان يحقق نتايج حقيقية.

في الفيديو دا هنتكلم عن أول خطوة في بناء الاستراتيجي وهي الـ Business Overview
الجزء اللي بنحط فيه الأساس ونفهم بيه البيزنس من جوه:

الرؤية والرسالة والقيم.

الـ Unique Selling Points.

الخدمات اللي بتقدمها.

الهدف التسويقي والمنصات المناسبة.

الـ Tone of Voice والـ Positioning.

الفيديو دا هيساعدك ترسم صورة واضحة عن البيزنس قبل ما تبدأ أي خطة أو استراتيجي.

في الفيديو دا هنتعلم إزاي نعمل تحليل SWOT بطريقة بسيطة ومنظمة
هنعرف:

نقاط القوة Strengths اللي تميز بيزنسك.

نقاط الضعف Weaknesses اللي محتاجة تطوير.

الفرص Opportunities اللي ممكن تستغلها.

التهديدات Threats اللي ممكن تواجهك في السوق.

الهدف إنك تخرج من الفيديو عندك خريطة واضحة عن مكانك الحقيقي في السوق، وتبدأ تبني استراتيجيتك بناءً عليه.

في الفيديو دا هنتكلم عن تحليل المنافسين
وهنشوف إزاي تفهم السوق اللي حواليك من خلال:

مين المنافسين المباشرين والغير مباشرين.

إيه نقاط القوة والضعف عندهم.

إزاي بيقدموا منتجاتهم أو خدماتهم.

إيه الاستراتيجيات اللي بيستخدموها في التسويق.

عشان تخرج برؤية أوضح: إيه اللي ممكن تتميز بيه عنهم، وإيه اللي لازم تتجنبه عشان تاخد مكانك الصح في السوق.

في الفيديو دا هنتكلم عن الباير بيرسونا
وهي ببساطة النموذج التخييلي لعميلك المثالي، اللي من خلاله بتعرف:

مين هو؟ (السن، النوع، الوظيفة، الدخل).

بيدور على إيه واحتياجاته إيه.

إيه التحديات أو المشاكل اللي بيواجهها.

إزاي بيفكر وقت الشراء، وإيه اللي بيأثر على قراره.

عشان تبقى عارف بتكلم مين، فتقدر توصل له بالأسلوب الصح، في المكان الصح، بالرسالة الصح.

في الفيديو دا هنتكلم عن رحلة العميل
الطريق اللي بيمشي فيه من أول ما يسمع عنك لحد ما يبقى عميل وفيّ:

مرحلة الوعي (Awareness): يعرف إن عنده مشكلة أو يشوفك لأول مرة.

مرحلة التفكير (Consideration): يبدأ يقارن بينك وبين المنافسين.

مرحلة القرار (Decision): يختار يشتري منك.

مرحلة ما بعد الشراء (Retention): تجربته معاك واللي بيخليه يرجعلك تاني.

عشان تبقى فاهم إزاي العميل بيتحرك، عشان تعرف تبعتله الرسالة المناسبة في الوقت المناسب.

في الفيديو دا هنتكلم عن مراحل الوعي (Awareness Stages)
المراحل اللي بيمر بيها العميل قبل ما يشتري منك:

Problem Aware: عارف إن عنده مشكلة.

Solution Aware: بدأ يدور على حل.

Product Aware: عرف منتجك أو خدمتك كخيار.

Most Aware: مقتنع ومستعد يشتري.

لما تفهم المراحل دي، هتعرف تكتب محتوى صح يخاطب كل عميل في مرحلته.

في الفيديو دا هنتكلم عن Content Calendar

الأداة اللي بتخليك منظم ومركز طول الشهر، وبتحدد:

إيه المحتوى اللي هتنشره.
فين هتنشره (أي منصة).
إمتى هتنشره (المواعيد).
الهدف من كل قطعة محتوى.
الهدف إنك تبطل تشتغل بطريقة عشوائية، وتبقى عندك خطة واضحة بتوصلك للنتيجة اللي عايزها.

الشيت دا هيساعدك تنظم شغلك وتسلمه بشكل احترافي